დაბა ადიგენში არსებული ექვსი საცხოვრებელი კორპუსის ეზოების რეაბილიტაციისთვის, ადიგენის მუნიციპალიტეტის მერია მილიონ 300 ათასზე მეტი ლარის დახარჯვას გეგმავს, – ამის შესახებ ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.
სატენდერო დოკუმენტის მიხედვით, იგეგმება ბალახაშვილის, ერისთავის, ჭავჭავაძის, ზაზაშვილის, გიგოლაშვილის და წერეთლის ქუჩებზე არსებული კორპუსის ეზოების რეაბილიტაცია.
ამავე დოკუმენტის მიხედვით, გამარჯვებულმა კომპანიამ სამუშაოები ხელშეკრულების გაფორმებიდან 160 დღეში უნდა შეასრულოს. წინადადებების მიღება 8-13 სექტემბერს იწარმოებს.