ნინოწმინდის მუნიციპალიტეტის 6 სოფელში, საავტომობილო გზის რეაბილიტაციისთვის 3,5 მილიონზე მეტი ლარის დახარჯვა იგეგმება, – ინფორმაცია სახელმწიფო შესყიდვების სააგენტოს ვებ გევრდზეა გამოქვეყნებული.
სატენდერო დოკუმენტის მიხედვით იგეგმება:
- სოფელ ყულალისში მიმავალი გზის მოასფალტება – 500 000-მდე ლარად;
- დიდი არაქალის შიდა გზების მოწესრიგება 400 000-მდე ლარად;
- პატარა არაქალში, შიდა გზების მოასფალტებისთვის 300 000-ზე მეტი ლარია გათვალისწინებული;
- სოფელ ოროჯალარის გზისთვის – 400 000-მდე ლარი;
- განძაში შიდა საუბნო გზის რეაბილიტაციისთვის, 1 700 000-ზე მეტი ლარის გამოყოფა იგეგმება;
- სოფელ ფოკის საუბნო გზისთვის კი – 300 000-მდე ლარი.
ტენდერში გამარჯვებულმა კომპანიამ სამუშაოები ხელშეკრულების გაფორმებიდან, სავარაუდოდ 4 თვეში უნდა შეასრულოს. თანხის უმეტესი ნაწილი, 95 % სახელმწიფო ბიუჯეტიდან, ხოლო დანარჩენი, 5 % ადგილობრივი ბიუჯეტიდან გამოიყოფა.