ადიგენის სოფელ არალში, სამი საუბნო ქუჩის რეაბილიტაცია იგეგმება, რომლისთვისაც 400 000-მდე ლარია გამოყოფილი, – ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.
სატენდერო დოკუმენტის მიხედვით, იგეგმება ჯამში 700 მეტრამდე გზის რეაბილიტაცია. ასევე, დაგეგმილია 32 ეზოში შესასვლელის მოასფალტება.
წინადადებების მიღება 20-25 მაისს იწარმოებს. გამარჯვებულმა კომპანიამ სამუშაოები ხელშეკრულების გაფორმებიდან ორ თვეში უნდა დაასრულოს.