ქალაქ წალკაში წალკაში, თამარ მეფის ქუჩაზე ცოფის ინფექციის კერიდან 3 კმ.ს რადიუსში კარანტინი დაწესდა – ინფორმაცია სეს-მა მანამ არ მოგვაწოდა, სანამ უწყებიდან საჯარო ინფორმაცია არ გამოვითხოვეთ.

უწყების ცნობით, კარანტინი 8 აპრილს დააწესეს და 30 დღე გაგრძელდება.

სურსათის ეროვნული სააგენტოს ცნობით, მუნიციპალიტეტში ცოფი 6 აპრილს, მელას დაუდასტურდა, რომელმაც რამდენიმე ძაღლი დაკბინა. თუმცა, სეს-მა ამის შესახებ ინფორმაცია 2 დღის შემდეგ გამოაცხადა და კარანტინიც 8 აპრილს გამოაცხადეს. 

სანამ უწყება ოფიციალურ განცხადებას გაავრცელებდა სოციალურ ქსელებში წალკელები წერდნენ, სავარაუდოდ ცოფიანი მელიის შესახებ. 

წალკაში, ცოფის ინფექციის კერიდან 3 კმ.ს რადიუსში კარანტინი დაწესდა – სეს

ეს არ არის პირველი შემთხვევა, როდესაც წალკაში ცხოველს ცოფი დაუდასტურდა. გასული წლის ოქტომბერში, წალკის სოფელ დარაკოვში მელამ კიდევ ერთი ძაღლი დაკბინა, რომელსაც შემდგომ ცოფი დაუდასტურდა. შედეგად კი – სოფლიდან 3 კილომეტრის რადიუსში კარანტინი გამოაცხადეს.

სტატისტიკა

• სეს-ის მიერ მოწოდებული ინფორმაციის მიხედვით, 2026 წლის 20 აპრილამდე პერიოდში საქართველოში ცოფი 2 ძაღლს და 2 მსხვილფეხა საქონელს გამოუვლინდა. 

• 2025 წელს, ცოფის შემთხვევა 8 ძაღლში და 1 მსხვილფეხა საქონელში გამოავლინეს. 

• 2024 წელს საქართველოში ცოფი 25 ძაღლს და ერთ მსხვილფეხა საქონელს გამოუვლინდა.