ბათუმში, ზუგდიდში, გორში, ფოთსა და თელავში ტრანსპორტი 1-ლი თებერვლიდან აღდგება; თბილისში, რუსთავსა და ქუთაისში კი 1-ლი მარტიდან – ამის შესახებ საკოორდინაციო საბჭოს დასრულების შემდეგ გამართულ ბრიფინგზე გახდა ცნობილი. 

უწყებათაშორისმა საბჭომ ქვეყანაში შეზღუდვების ეტაპობრივი მოხსნის გადაწყვეტილება მიიღო – ამის შესახებ რეგიონული განვითარების და ინფრასტრუქტურის მინისტრმა მაია ცქიტიშვილმა განაცხადა.

პირველი თებერვლიდან ბათუმში, ზუგდიდში, გორში, ფოთსა და თელავში აღდგება:

– მუნიციპალური ტრანსპორტი
– სკოლები
– სავაჭრო ცენტრები და მაღაზიები

თბილისში, ქუთაისსა და რუსთავში განააახლებენ მუშაობას:

პირველი თებერვლიდან – მაღაზიები და სავაჭრო ცენტრები

პირველი მარტიდან – სკოლები და მუნიციპალური ტრანსპორტი

ოფიციალური ინფორმაციით, ყველა ქალაქში ღია ბაზრობები და დახურული ბაზრობები გაიხსნება 15 თებერვლიდან. გადაადგილების შეზღუდვა 1 მარტამდე ძალაში დარჩება 21:00 საათიდან 05:00 საათამდე.

მთავრობის გადაწყვეტილებებმა უარყოფითი დამოკიდებულება გამოიწვია საზოგადოების ნაწილში. ისინი სააკოორდინაციო საბჭოს ლაივ ჩართვაზე კომენტარების სახით გამოხატავენ უკმაყოფილებას და აღნიშნავენ, რომ მთავრობის გადაწყვეტილებები არასწორია. 

ავტორი: ნატალი ნემსაძე