ავტორი: მიშო დარბაიძე — 577681889
ასპინძის მუნიციპალიტეტში საძოვრებზე გაჩენილი ხანძარი გუშინ გვიან ღამით ჩააქრეს. როგორც საგანგებო სიტუაციების მართვის სამსახურში TOK TV-ს განუცხადეს, ხანძარი ტყის მასივს არ მოსდებია. ამ დროისთვის კი მიმდინარეობს ხანძრის გაჩენის მიზეზის და დამწვარი მასივის შესწავლა.
“შინაგან საქმეთა სამინისტროს საგანგებო სიტუაციების მართვის სამსახური მოსახლეობას მოუწოდებს – თავი შეიკავონ მინდვრებში და სახნავ მიწებზე ბალახის დაწვისგან. მინდორში და სახნავ მიწებზე ბალახის დაწვამ შეიძლება გამოიწვიოს ხანძრის გავრცელება როგორც საცხოვრებელ სახლებზე, ასევე ტყის მასივებზე,” – აღნიშნულია უწყების მიერ გავრცელებულ განცხადებაში.
შეგახსენებთ , რომ ასპინძაში საძოვრებს ცეცხლი გუშინ გაუჩნდა.