დაბა ასპინძის საჯ. სკოლაში ერთ მასწავლებელს კორონავირუსი დაუდასტურდა. სკოლა ჰიბრიდული რეჟიმით განაგრძობს სწავლებას.
14 დღიან თვითიზოლაციაში გადასულია XII კლასი და სკოლის 4 თანამშრომელი. ინფორმაციას ასპინძის საგანმანათლებლო რესურსცენტრის ხელმძღვანელი, ტრისტან მურადაშვილი გვიდასტურებს.
“მასწავლებელს ჰქონდა კონტაქტი XII კლასთან და სკოლის 4 თანამშრომელთან. ისინი გადასულები არიან ორ კვირიან თვითიზოლაციაში. ველოდებით საზოგადოებრივი ჯანდაცვის ცენტრისგან მითითებებს.”
მურადაშვილისვე თქმით, ამ დროისთვის დისტანციური სწავლების რეჟიმზე არცერთი სკოლა არ არის გადასული.