საქართველოში 22 ნოემბერი გლოვის დღედ გამოცხადდა

November 20, 2026

ქვემო ფონიჭალაში საცხოვრებელი კორპუსის ჩამონგრევის შედეგად დაღუპულთა ხსოვნის პატივსაცემად, 22 ნოემბერი საქართველოში გლოვის დღედ გამოცხადდა, – ინფორმაციას “საქართველოს მთავრობა” ავრცელებს.

ამ დღეს ქვეყნის მთელ ტერიტორიაზე სახელმწიფო დროშები დაეშვება.

აფეთქება ქვემო ფონიჭალაში – რა ხდება?

19 ნოემბერს, დილით, ქვემო ფონიჭალაში, ხუთსართულიან საცხოვრებელ კორპუსში, ბუნებრივი აირის დაგროვების შედეგად აფეთქება მოხდა, რასაც ექვსი ადამიანის სიცოცხლე ემსხვერპლა, მათ შორის ორი მცირეწლოვანი ბავშვის.

სამძებრო-სამაშველო ოპერაციის დროს მაშველებმა ნანგრევებიდან სამი წლის ბავშვი ცოცხალი გამოიყვანეს. მის სიცოცხლეს საფრთხე არ ემუქრება.

აფეთქებისას დაშავებული 31 წლის მამაკაცის მდგომარეობა კი – კვლავ უმძიმესია. ექიმების ცნობით, მას სხეულის 87% აქვს დამწვარი.

ფოტო: IPN