ზუგდიდში 2 უბანზე ამომრჩევლებმა სასურველი კანდიდატებისთვის ხმის მიცემა ვერ შეძლეს. მათ უბანზე მხოლოდ ერთი, მაჟორიტარი დეპუტატების კანდიდატების ბიულეტენები ჰქონდათ.
ფაქტი “ევროპული საქართველოს” დამკვირვებელმა ბესიკ დონაძემ დააფიქსირა. უბნის თავმჯდომარე ინციდენტს შეცდომას უკავშირებს და ამბობს, რომ შეცდომა მას შემდეგ აღმოაჩინეს რაც ამის შესახებ ერთ-ერთმა ამომრჩეველმა განაცხადა.
ამ დროისთვის ამომრჩევლებს ხმის მიცემა ყველა კანდიდატისთვის შეუძლიათ, თუმცა როდესაც ხმის მიცემის სრულფასოვანი პროცესი აღდგა, იმ ამომრჩეველთა ნაწილი, რომელთაც არჩევანის უფლება შეეზღუდათ, უბანზე უკვე აღარ იმყოფებოდნენ.