წალკის მუნიციპალიტეტის სოფელ სამებაში საბავშვო ბაღის რეაბილიტაცია იგეგმება, რომლისთვისაც 165 ათასზე მეტი ლარის დახარჯვა იგეგმება, – ამის შესახებ ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.
სატენდერო დოკუმენტის მიხედვით იგეგმება საძინებლის, სათამაშო ოთახის, სამზარეულოს, სველი წერტილების და სხვა ოთახების მოწყობა.
ამავე დოკუმენტის მიხედვით, წინადადებების მიღება 6-11 აგვისტოს იწარმოებს. გამარჯვებულმა კომპანიამ სამუშაოები მიმდინარე წლის 15 ოქტომბრამდე უნდა დაასრულოს.