გარდაბნის მუნიციპალიტეტის სოფელ სართიჭალაში სპორტულ-სარეაბილიტაციო ფიტნეს ცენტრის აშენება იგეგმება, – ამის შესახებ ინფორმაცია სახელმწიფო შესყიდვების სააგენტოს ვებ გვერდზეა გამოქვეყნებული.

სატენდერო დოკუმენტის მიხედვით, სამუშაოებისთვის 400 ათასზე მეტი ლარის დახარჯვა იგეგმება.

რა მოცულობის იქნება შენობა და ვინ უზრუნველყოფს მისი შესაბამისი ტექნიკით აღჭურვას? – ამის გასარკვევად ჩვენ მერიაში დავრეკეთ, თუმცა საზოგადოებასთან ურთიერთობის სამსახურში გვითხრეს, რომ ამის გასაგებად ოფიციალური წერილით უნდა მიგვემართა.

სატენდერო დოკუმენტაციის მიღება 20-25 ივლისს იწარმოებს. გამარჯვებულმა კომპანიამ სამუშაოები ხელშეკრულების გაფორმებიდან 4 თვეში უნდა დაასრულოს.