ავტორი:სოფიკო ქარცივაძე
დღეს, 11:00 საათიდან, წალკის მუნიციპალიტეტის სოფელ სამებაში წალკის რეგიონალური ჯანდაცვის ცენტრი მოსახლეობას უფასო გამოკვლევებს ჩაუტარებს.
თუ რა სახის უფასო გამოკვლევებით ისარგებლებს მოსახლეობა? კითხვაზე რეგიონალური ჯანდაცვის ცენტრის დირექტორი ირაკლი ჩხიკვიშვილი გვპასუხობს: “სოფელ სამებაში, უფასო გამოკვლევების ფარგლებში, ადგილზე იქნებიან თერაპევტი, პედიატრი, გინეკოლოგი, ქირურგი, ექოსკოპისტი, უროლოგი და ყელ-ყურ-ცხვირის ექიმი.”
როგორც ირაკლი ჩხიკვიშვილი ჩვენთან საუბარში ამბობს, მსგავსი გამოკვლევები სხვადასხვა სოფელში პერიოდულად ჩატარდება და მოსახლეობა წინასწარ იქნება ინფორმირებული.