საქართველოში, 19 აგვისტოდან 19 ოქტომბრის ჩათვლით, უკანონო ნადირობის 448  შემთხვევა გამოვლინდა, რომელთაგან 11 სამცხე-ჯავახეთშია, – ინფორმაციას გარემოსდაცვითი ზედამხედველობის დეპარტამენტი ავრცელებს.

უწყების ცნობით, უკანონო ნადირობის ყველაზე მეტი – 124 ფაქტი იმერეთში დაფიქსირდა.

83 ფაქტია გამოვლენილია მცხეთა-მთიანეთში,

82 – სამეგრელო-ზემო სვანეთში,

39 – გურიაში,

36 – შიდა ქართლში,

35 – კახეთში,

17 – აჭარაში,

12 – ქვემო ქართლში,

2 კი, რაჭა-ლეჩხუმი-ქვემო სვანეთში

“გამოვლენილი ადმინისტრაციული სამართალდარღვევებიდან, 345 შემთხვევაში, სამართალდამრღვეებმა ნადირობისას აკრძალული იარაღი, მეთოდი ან საშუალება გამოიყენეს. 91 მონადირე გადამფრენ ფრინველებზე დაწესებული მოსაკრებლის გარეშე ნადირობდა, 5-მა მოქალაქემ ქალაქის ან მუნიციპალიტეტის ტერიტორიაზე ინადირა, 6 შემთხვევაში კი, მონადირეებმა აკრძალული სახეობები მოინადირეს. ” – ნათქვამია განცხადებაში.