უკვე თითქმის ერთი კვირა გავიდა, რაც ასპინძის სოფელ ნაქალაქევში მცხოვრები ახალგაზრდა კაცი დაიკარგა, მას ამ დრომდე უშედეგოდ ეძებენ, – ამის შესახებ ინფორმაციას დაკარგულის ოჯახის წევრები გვიდასტურებენ.
როგორც ადგილობრივები აცხადებენ, პირი 4 მაისს ნახირის სამწყემსად წავიდა, თუმცა დანიშნულების ადგილამდე არ მისულა. მისი კვალი მდინარესთან წყდება, ერთ-ერთი ვარაუდით იგი მდინარეში ჩავარდა, სამძებრო სამუშაოებიც მდინარე მტკვარში და მიმდებარედ მიმდინარეობს.
სოფელ ნაქალაქევში მერის წარმომადგენელი რამაზ მაღრაძე გვეუბნება, რომ სამძებრო სამუშაოები ამ დრომდე მიმდინარეობს. კონკრეტულად რა სახის – საგანგებო სიტუაციების მართვის სამსახურში ჩვენს კითხვას არ პასუხობენ.
შსს-მ გამოძიება სსკ-ის 115 მუხლით დაიწყო, რაც თვითმკვლელობამდე ან თვითმკვლელობის მცდელობამდე მიყვანას გულისხმობს.